Bhagavad Gītā Chapter Seven

srimad_bhagavad_gita

jñāna vijñāna yogaḥ

The Yoga of Knowledge and Special Knowing

Chapter by Chapter Listing Śloka by Śloka in Saṃskṛta
or Downloadable PDF Study Workbook for each chapter

Follow this link for details of Online Personalised 121 Learning Gītā Study options

Download a Śloka by Śloka Personal Study PDF Workbook for Chapter Seven

Chapter 7 Verse 1
śrībhagavān uvāca |
mayy āsaktamanāḥ pārtha yogaṃ yuñjan madāśrayaḥ |
asaṃśayaṃ samagraṃ māṃ yathā jñāsyasi tac chṛṇu ||

Chapter 7 Verse 2
jñānaṃ te ’haṃ savijñānam idaṃ vakṣyāmy aśeṣataḥ |
yaj jñātvā neha bhūyo ’nyaj jñātavyam avaśiṣyate ||

Chapter 7 Verse 3
manuṣyāṇāṃ sahasreṣu kaścid yatati siddhaye |
yatatām api siddhānāṃ kaścin māṃ vetti tattvataḥ ||

Chapter 7 Verse 4
bhūmir āpo ’nalo vāyuḥ khaṃ mano buddhir eva ca |
ahaṃkāra itīyaṃ me bhinnā prakṛtir aṣṭadhā ||

Chapter 7 Verse 5
apareyam itas tv anyāṃ prakṛtiṃ viddhi me parām |
jīvabhūtāṃ mahābāho yayedaṃ dhāryate jagat ||

Chapter 7 Verse 6
etadyonīni bhūtāni sarvāṇīty upadhāraya |
ahaṃ kṛtsnasya jagataḥ prabhavaḥ pralayas tathā ||

Chapter 7 Verse 7
mattaḥ parataraṃ nānyat kiṃcid asti dhanaṃjaya |
mayi sarvam idaṃ protaṃ sūtre maṇigaṇā iva ||

Chapter 7 Verse 8
raso ’ham apsu kāunteya prabhāsmi śaśisūryayoḥ |
praṇavaḥ sarvavedeṣu śabdaḥ khe pāuruṣaṃ nṛṣu ||

Chapter 7 Verse 9
puṇyo gandhaḥ pṛthivyāṃ ca tejaścāsmi vibhāvasāu |
jīvanaṃ sarvabhūteṣu tapaścāsmi tapasviṣu ||

Chapter 7 Verse 10
bījaṃ māṃ sarvabhūtānāṃ viddhi pārtha sanātanam |
buddhir buddhimatām asmi tejas tejasvinām aham ||

Chapter 7 Verse 11
balaṃ balavatāṃ cāhaṃ kāmarāgavivarjitam |
dharmāviruddho bhūteṣu kāmo ’smi bharatarṣabha ||

Chapter 7 Verse 12
ye cāiva sāttvikā bhāvā rājasās tāmasāśca ye |
matta eveti tān viddhi na tv ahaṃ teṣu te mayi ||

Chapter 7 Verse 13
tribhir guṇamayāir bhāvāir ebhiḥ sarvam idaṃ jagat |
mohitaṃ nābhijānāti mām ebhyaḥ param avyayam ||

Chapter 7 Verse 14
dāivī hy eṣā guṇamayī mama māyā duratyayā |
mām eva ye prapadyante māyām etāṃ taranti te ||

Chapter 7 Verse 15
na māṃ duṣkṛtino mūḍhāḥ prapadyante narādhamāḥ |
māyayāpahṛtajñānā āsuraṃ bhāvam āśritāḥ ||

Chapter 7 Verse 16
caturvidhā bhajante māṃ janāḥ sukṛtino ’rjuna |
ārto jijñāsur arthārthī jñānī ca bharatarṣabha ||

Chapter 7 Verse 17
teṣāṃ jñānī nityayukta ekabhaktir viśiṣyate |
priyo hi jñānino ’tyartham ahaṃ sa ca mama priyaḥ ||

Chapter 7 Verse 18
udārāḥ sarva evāite jñānī tv ātmāiva me matam |
āsthitaḥ sa hi yuktātmā mām evānuttamāṃ gatim ||

Chapter 7 Verse 19
bahūnāṃ janmanām ante jñānavān māṃ prapadyate |
vāsudevaḥ sarvam iti sa mahātmā sudurlabhaḥ ||

Chapter 7 Verse 20
kāmāis taistair hṛtajñānāḥ prapadyante ’nyadevatāḥ |
taṃtaṃ niyamam āsthāya prakṛtyā niyatāḥ svayā ||

Chapter 7 Verse 21
yo yo yāṃ yāṃ tanuṃ bhaktaḥ śraddhayārcitum icchati |
tasya tasyācalāṃ śraddhāṃ tām eva vidadhāmy aham ||

Chapter 7 Verse 22
sa tayā śraddhayā yuktas tasyārādhanam īhate |
labhate ca tataḥ kāmān mayāiva vihitān hi tān ||

Chapter 7 Verse 23
antavat tu phalaṃ teṣāṃ tad bhavaty alpamedhasām |
devān devayajo yānti madbhaktā yānti mām api ||

Chapter 7 Verse 24
avyaktaṃ vyaktim āpannaṃ manyante mām abuddhayaḥ |
paraṃ bhāvam ajānanto mamāvyayam anuttamam ||

Chapter 7 Verse 25
nāhaṃ prakāśaḥ sarvasya yogamāyāsamāvṛtaḥ |
mūḍho ’yaṃ nābhijānāti loko mām ajam avyayam ||

Chapter 7 Verse 26
vedāhaṃ samatītāni vartamānāni cārjuna |
bhaviṣyāṇi ca bhūtāni māṃ tu veda na kaścana ||

Chapter 7 Verse 27
icchādveṣasamutthena dvandvamohena bhārata |
sarvabhūtāni saṃmohaṃ sarge yānti paraṃtapa ||

Chapter 7 Verse 28
yeṣāṃ tv antagataṃ pāpaṃ janānāṃ puṇyakarmaṇām |
te dvandvamohanirmuktā bhajante māṃ dṛḍhavratāḥ ||

Chapter 7 Verse 29
jarāmaraṇamokṣāya mām āśritya yatanti ye |
te brahma tad viduḥ kṛtsnam adhyātmaṃ karma cākhilam ||

Chapter 7 Verse 30
sādhibhūtādhidāivaṃ māṃ sādhiyajñaṃ ca ye viduḥ |
prayāṇakāle ’pi ca māṃ te vidur yuktacetasaḥ ||