gītārtha saṃgraha

svadharma jñānavairāgya sādhya bhaktyeka gocaraḥ |
nārāyaṇaḥ paraṃ brahma gītā-śāstre samāritaḥ ||

jñāna-karmātmike niṣṭhe yogalakṣye susaṃskṛte |
ātma-anubhūti-sidhyarthe pūrva-ṣaṭkena codite ||

madhyame bhagavat-tattva yāthātmyāvāpti siddhaye |
jñāna karmābhinirvartyo bhaktiyogaḥ prakārtitaḥ ||

pradhāna-puruṣavyakta-sarveśvara-vivecanam |
karmadhārbhaktirityādiḥ pūrvaśeṣo’ntimoditaḥ ||

asthāna-sneha-kāruṇya-dharma-adharma-dhiyā-ākulam ।
pārthaṃ prapanna-muddiśya śāstra-avataraṇaṃ kṛtam ॥

nityātmāsangakarmehā-gocarā sāṅkhyayogadhiḥ ।
dvitīye sthitadhīlakṣā proktā tanmohaśāntaye ॥

asaktyā lokarakṣāyai guṇeśvāropya kartṛtām |
sarveśvare vā nyasyoktā tṛtīye karmakāryatā ||

prasaṅgātsvasvabhāvoktiḥ karmaṇo’karmatāsya ca ।
bhedā jñānasya māhātmyaṃ caturthādhyāya ucyate ॥

karmayogasya saukaryaṃ śaighryaṃ kāścana tadvidhāḥ ।
brahma-jñāna-prakārasca pañcamādhyāya ucyate ॥

yogābhyāsa-vidhiryogi caturdhā yogasādhanam ।
yogasiddhiḥ svayogasya pāramyaṃ ṣaṣṭa ucyate ॥

svayāthāmyaṃ prakṛtyāsya tirodhiḥ śaraṇāgotiḥ ।
bhakti-bhedaḥ prabuddhasya śraiṣṭhyaṃ saptama ucyate ॥

aiśvaryākṣara-yāthātmya-bhagavat-caraṇārthinām ।
vedyopādeya bhāvānam aṣṭame bheda ucyate ॥

svamāhātmya manuṣyatve paratvaṃ ca mahātmanām ।
viśeṣo navame yogo bhakti-rūpaḥ prakīrtitaḥ ॥

svakalyāṇaguṇā-nantya-kṛtsna-svādhīnatāmatiḥ ।
bhaktyutpatti-vivṛddhyarthā vistīrṇa daṣamoditā ॥

ekādaśe svayāthātmya-sãkṣāt-kārāva-lokanam ।
dattamuktaṃ vidiprāptyor-bhaktyekopāyatā tathā ॥

bhakteḥ śraiṣṭya-mupāyoktiraśaktasyātmaniṣṭhatā ।
tatprakārastvati-pråtirbhakte dvādaśa ucyate ॥

dehasvarūpamātmapti-heturātmaviśodhanam ।
bandhahetur-vivekaḥ ca trayodaśa udītyate ॥

guṇabandha-vidhā teṣāṃ kartṛtvaṃ tannivartanam ।
gatitraya-svamūlatvaṃ caturdaśa udīryate ॥

acinmiśrādviśuddhācca cetanāpuruṣottamaḥ ।
vyāpanādbharaṇātsvāmyadanyaḥ pañcadaśoditaḥ ॥

devāsura-vibhāgokti-pūrvikā śastravaśyatā ।
tattvānuṣṭhāna -vijñānasthemne śodaśa ucyate ॥

aśāstramāsuraṃ kṛtsnaṃ śāstrīyaṃ guṇataḥ pṛthak ।
lakṣanaṃ śāstra-siddhasya tridha santadaśoditam ॥

īśvare kartṛtā-buddhiḥ sattvopādeyatāntime ।
svakarma-pariṇāmaḥ ca śāstrasārartha ucyate ॥

karmayogastapastīrtha-dāna-yajñādi-sevanam ।
jñānayogo jitasvāntaiḥ pariśuddhātmani sthitiḥ ॥

bhaktiyogaḥ paraikānta-prītya dhyānādiṣu sthitiḥ ।
trayāṇāmapi yogānāṃ tribhiranyonyasaṅgamaḥ ॥

nityanaimittikānāṃ ca parārādhana-rūpiṇām ।
ātmadṛṣṭestrayo’pyete yogadvāreṇa sādhakaḥ ॥

niraṣṭanikhilṣtānajñāno dṛṣṭvātmānaṃ parānugam ।
pratilabhya parāṃ bhaktiṃ tayaivāpnoti tatpadam ॥

bhaktiyogastadarthī cetasamagraiśvarya-sādhakāḥ ।
ātmārthī cettrayo’pyete tatkaivalyasya sādhakāḥ ॥

ekāntyaṃ bhagavatyeṣāṃ saṃanamadhikārīṇām ।
yāvatprāpti parārthīcet tadevātyātyantamaṣnute ॥

jñāni tu paramaikānti tadāyattātmajåvanaḥ ।
tatsaṃśleṣa-viyogaika-sukhaduḥkhastadekadhiḥ ॥

bhagavaddhyāna-yogokti-vandanastuti-kirtanaiḥ ।
labdhātmā tadgataprāṇa-manobuddhīndriyakriyaḥ ॥

nijakarmãdhi bhaktyantaṃ kuryãt-pråtyaiva kãritaḥ ī
upāyatāṃ parityajya nyasyeddevetu tāmabhiḥ ॥

ekāntātyanta-dāsyaikaratistat-padamāpnuyāt ।
tatpradhãnamidaṃ śāstramiti gitārtha saṃgrahaḥ ॥