jñāna vijñāna yogaḥ

jñānaṃ te ’haṃ savijñānam idaṃ vakṣyāmy aśeṣataḥ |
yaj jñātvā neha bhūyo ’nyaj jñātavyam avaśiṣyate ||

mattaḥ parataraṃ nānyat kiṃcid asti dhanaṃ jaya |
mayi sarvam idaṃ protaṃ sūtre maṇigaṇā iva ||

raso ’ham apsu kāunteya prabhāsmi śaśisūryayoḥ |
praṇavaḥ sarvavedeṣu śabdaḥ khe pāuruṣaṃ nṛṣu ||

bahūnāṃ janmanām ante jñānavān māṃ prapadyate |
vāsudevaḥ sarvam iti sa mahātmā sudurlabhaḥ ||

akṣara brahma yogaḥ

abhyāsayogayuktena cetasā nānyagāminā |
paramaṃ puruṣaṃ divyaṃ yāti pārthānucintayan ||

om ity ekākṣaraṃ brahma vyāharan mām anusmaran |

yaḥ prayāti tyajan dehaṃ sa yāti paramāṃ gatim ||

rājavidyā rājaguhya yogaḥ

vibhūti yogaḥ

aham ātmā guḍākeśa sarvabhūtāśayasthitaḥ |
aham ādiśca madhyaṃ ca bhūtānām anta eva ca ||

viśvarūpa yogaḥ

madanugrahāya paramaṃ guhyam adhyātmasaṃjñitam |
yat tvayoktaṃ vacas tena moho ’yaṃ vigato mama ||

bhakti yogaḥ

ye tu dharmyāmṛtam idaṃ yathoktaṃ paryupāsate |
śraddadhānā matparamā bhaktās te ’tīva me priyāḥ ||